Sandane Grand Prix er tilbake

Søndag under Sandanedagane går Sandane Grand Prix av stabelen igjen, etter nokre års pause. Det er nyskipa Gloppen Motorhistoriske Klubb som arrangerer.

– Vi har starta klubben for m.a. å kunne gjennomføre arrangement som dette, seier leiar Øystein Hellesø.

Som tidlegare blir det løp rundt i bygda med spørsmål undervegs, og utstilling av bilar på plassen framfor Møbelringen, nede mot fjorden. Odd Svendsen, som har vore primus motor for arrangementet tidlegare, er med som konsulent.

– Det er kjekt å få vise fram fine bilar og gjere klubben vår kjend. Dette blir ein kjekk dag for alle med sans for veteranbilar, seier Hellesø.